AutorIn des Beitrages:
Hörschläger Franz Christian 4173 St.Veit franz.hoerschlaeger@aon.at
Zurück | Da heilig‘ Tag
Es gibt fei Tag zan Heiliwerd’n,
der oan mag’s net, der oan hat’s gern,
des Angebot is ries’ngroiss,
schon in der Friah, da is was lois,
de erschte Mess am siebene grad,
für den, der nimma schlaf‘n mag,
a zweite, de Zehn-Halbe-Mess,
mit oana Predi scharf und resch,
dazwisch’n nu a Ros’nkranz,
zwoa Kräul‘n mindestens und ganz,
dann wird nu bet‘ am Nachmittag
ban Seg’n, bald drinn‘, bald drausst im Schlag,
am Ab’nd, wann de Sunn‘ nu lacht,
gibt’s dann a schene Maiandacht,
de Ab’ndmess, de schliasst’n o
in heilig’n Tag, mei, bin i froh. |