AutorIn des Beitrages:

De Erschtkommunion

Af heia Christi Hümmöfahrt
han i schau seit Wochan g’wart,
de Buama in ean Feichtag’wand,
mit an schen Kerz‘l in da Hand,
de Menschein in an weiss’n Kitt’l
und in de Haar an Bleamöriedl.

Da meini Bua is heut dabei,
er war grad acht am siebt‘n Mai
und d’Kommunion de erschte grad,
de griagt er heit am Hümmöfahrtstag.
Ganz volla Stolz tragt er de Kerz‘n,
in Jesus tragt er in sein Herz’n
und bald draf, ja, wia soll’t i sag’n,
in Erschkommunionkakao im Mag’n.