AutorIn des Beitrages:
Hörschläger Franz Christian
4173 St. Veit
franz.hoerschlaeger@aon.at
Zurück | Musikalisch‘s Drunta und Drüwa
Da Trummöbua valiert in Schlögö,
d’Klarinettistin schlickt in Stöwö,
da erscht‘ Trompeter, der göllt ab,
des zweite Flügöhorn gibt’s nach,
Posaunen ban Glissando rearn,
de Hearndln kann ma gar net hearn,
da Bass, der spüt, was er grad wü,
des Saxofon spüt a net vü,
de Pfeifferl geh’n durch Mark und Boan,
netta da Kapellmoaster aloan
macht koane Fehler, des is fix,
koa Wunda, weu er tuat ja nix.
|
