Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Sumper Gabriela

Da Stuam..

MundArt des Monats Mundart-Autoren Neueinträge
Beitrag anmelden


AutorIn des Beitrages:


Sumper Gabriela
4040 Linz
gabi.sumper@gmail.com

Zurück

Da Stuam..

Unhoamli is draussn..
Ois is so stad, nix riad si..
Net amoi an Vogö siagt ma drom am Bam..
Und d'Spinnwem in de Staun voa mein Fensta mochan koan Zucka..
D'Blattln foin Pfeugrod owa von da großn Eichn, grod so ois wans vüh zschwah zan saunft owasegön...
I moch mi auf und geh a Stickl dauni zan Wossa..
Iagantwia is's heut aundas ois sunst..
Ma kinnt fost moana , das si d'Doana ausrost.
Do san koane Wöhn, s'Wossa is beinoh schwoaz und auf da drentan Doanaseitn, doat wo ma sunst d'Antn schnodan heat is stüh...
Gaunz stüh..
I drah mi um und schau in Richtung Pestlinberg..
D'Kiachn is eighüht in a ockabraune Woikn, de si imma weida owafrisst vom Beag..
Wia a Woizn aus Staub und Dreck..
Und gleizeiti hebts au zan pfeifn..
D'Ast biagn si voa dera Gewoit und de oid Stroßnlatern nem da Eisnbauhbruckn wocklt so stoak das i Aungst hob, ob sis übahaupts ausda
hoit.....
Voa meine Fiaß wahts d'Plastikfloschn und Zeitungsblattln üba d'Stroßn..
I stemm mi gegan Stuam, oiwei des Brausn und pfefn in di Oahn..
Mia geht’s schiach au wia i so hintaschau zua Doana..
Nix iss meah min ruhig sei..
Da Stuam kreislt lauta kloane Strudln auf da Wossaobaflächn und d'Wöhn klatschn mit an Krochn und Zischn auf de großn Stoa aum Raund....
I mog den Gruh vom Doanawossa, vom Wöhsaund und vo de nossn Kieslstoana..
Owa hiaz kimmt ma ois bedrohli voa..
Und so kämpf i mi gegan Wind, gegan Staub und gegn de vühn Blattln, des ma entgegnwaht Richtung hoamzua.
Dahoam schau i ban Fensta und meak, das's finsta woan is..
Es is a koa brausn und blosn meah zan hean..
Stüh iss..
De eastn, schwan Regntropfn klatschn gegn de Scheibn..
Des prassln klingt wia Musik in meine Oahn..
I tring mein Tee und hoach..
Und deng ma so hoamli bei mia, siagst, noch jedm Unwetta im Lebm keaht a wieda d'Ruah ei...

 Mundart-Datenbank - Gesammelte Beiträge von Mundartautoren und Lesern zum Schmökern!