AutorIn des Beitrages:
Greifeneder-Itzinger Irmtraud
4481 Asten
office@mundart.at
Zurück | Der Nikolaus
Der Nikolaus, des woaß ma ja,
des war a ganz a braver Mann,
A Bischof war er und recht gscheit
und recht beliebt bei alle Leut.
Er hat de Kinder’s Betn glernt,
hat tracht‘, daß s’ brav und ehrlich wernd.
Ah auf de Altn hat er gschaut,
hat‘s zoagt, wia ma des Land bebaut.
Amal im Jahr, da war a Fest,
und alle war‘n seine Gäst‘.
B’sonders d‘ Kinder, des is wahr,
haben scho drauf gwart‘, des ganze Jahr.
Der Nikolaus is älter wordn
und eines Tages is er gstorbn.
Doh koana wollt‘ s de Kinder sagn,
weil s‘ nach‘n Nikolaus oft fragen.
Doh oaner von de Ordnsleut‘,
der hat sih denkt, des waa doh gscheit,
er kunnt ja zu de Kinder kumma
und hat den Brauch dann übernumma.
Dr‘um kummt jetzt bis zur heitign Zeit,
zu große und zu kloane Leut,
zu jedn Kind, in jedes Haus
amal im Jahr der Nikolaus.
|
