AutorIn des Beitrages:
Hörschläger Franz Christian 4173 St. Veit im Mühlkreis franz.hoerschlaeger@aon.at
Zurück | Da Heanabussard
Wann in da Heh' da Bussard fliagt,
so duckan se de Heana,
wia s'Fedaviech den Räuwa siagt,
da fangan's an zan renna.
De Bäurin treibt die Oa-Verleger
ganz schleuni in den Heanastall,
wann do der Bussard wieda weg war,
s‘war ihr des Liaba allemal.
Heit hat des schiache, bese Luada,
koa oanzige davon dawischt,
d'rum muaß er ohne Fleisch und Fuada,
ganz hungri wegafliag’n van Tisch. |