AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | Wia da Vodda, so da Bua
S’Büawö, ganz vazagt kimmt’s hoam,
sei G’wand‘ is drecki, volla Loam,
ausschau’n tuat er ganz vaweg’n,
d’Brill’n is z’breselt, was is g’schehn‘g.
Hing’fall’n is er af de Birn,
z’schert und z’schund’n af’n Hirn,
da Hoamweg war‘ do eb’n und g’rad,
wia kann ma fall’n af so an Pfad.
Z‘erscht schimpft’n d’Mama zan Daboarma,
dann druckt’s n zuwa fest, den Armen:
Hear af za Rearn, tua da nix an,
des kenn‘ i oiss van Papa schon. |
