AutorIn des Beitrages:

Rentn -- Drautol

Rentn
Seit da Rentn hot de Beirin
a klane Wohnung im Bawahaus
ghobt. Vom Schlofzimma hot se in Hof
obegseghn, aus da Kuchl hot se an
schean Blick ins Tol obeghobt.
Vur de Fensta is olleweil woas
gschehgn. In da Wohnung hot se
imma a Klanigkeit zan tuan ghobt
und oft woar a Bsuch do.

Heit sitzt de Beirin im Oltasheim
in an klan Zimma im Rollstuahl,
in gonzn Tog laft da Fernseha.
Sölba red se nix mehr,
nur amol hots se zan Bsuch gsogt,
se mecht wieda ham.....



Drautol
Von da Sunnseitn ins Tol
obeschaun, sehgn wia de
Lostwogn den Sond und den Zement
übas Feld zu de Kroftwerksbaustelln
fihrn. Om Tolbodn homs de Blechhüttnan
aufgstöllt und de Bagga orbatn
ba Tog und ba da Nocht.

Inmittn vom Tol is a offene
braune Wundn, de Schroa von de
obgholztn Bama und Streicha steign
vom Tolbodn in de Sunnseitn aufa.
Dos Rauschn da Drau, dos i gheart hon,
won i aufgstondn und won i schlofn
gong bin is vastummt. Jetzt liegt de
Drau stüll und miad im Bett
und man waß nit,
ob ihr Sterbn schoan ongfongan hot ...