AutorIn des Beitrages:

Oistern kurz und bündig

Ostern san vier Tag im Jahr,
de vier, de stöll i eng hiaz vor:

Greandunnastag, da Abend am Berg,
Fuaßwaschung, wia se des halt gheart.
Karfreida is da Herrgott g’storbn
und war da ganz’n Welt valorn.
Karsamsta hab’ns eam balsamiert
und hi za seina Grabstatt g’führt.
Am Oistasunda in da Fria
worn d’Leit ban Grab, hab’n schaut ois wia,
da Stoa war weg, da Jesus fort,
dass si erfüllt des Heili‘ Wort:

Er wird van Tot’n afdasteh’n
und affi za sein Voddan geh’n,
de Menschheit wurd’t dadurch errett‘,
so wia’s in Buach da Biachön steht.