AutorIn des Beitrages:
Kaufmann Manfred 4600 Wels team.k@liwest.at
Zurück | Hoaß is‘s
Wann da Summa glaubt,
er kunnt ma ‘s Hirn aussabrenna,
dann geh ih in Schattn,
wann die Hitz glaubt,
sie kann mein Körper austrocknan,
dann mach ih mir a Bier auf,
wann mei Schweiß moant,
er kann mih stinkat machn,
dann hupf ih in See,
wann die Gössn moanan,
dass mei Bluat eahna Fuatta is,
dann hoil ih mein Pracka,
ober wann ih denk,
dass in a poar Monat wieda Weihnachten is,
dann beitlts mih ab.
|