AutorIn des Beitrages:

So schaut ‘s aus

Manche sagn, es is gschert, wann ih so daherred,
manche verstengan mih gar net, oder wolln s‘ ah net,
manche moanan, dass was Bessers san, weil s‘ solche Ausdrück net verwendn,
manche lassn mih links liegn, weil s‘ glaubn dass ih a Trottl bin,
manche lachn über mih und deutn ma an Vogl,
manche gehngan an mir vorbei und schaun netta mitleidsvoll,
manche gebn ma gar koa Antwort, wann ih s‘ was frag,
manche deutn auf mei Gwandl und beutln den Kopf,
manche habn sogar ausgspuckt vor mia, weil ih net in eahna Weltbild paß.

Oba - die brauch ih alle net, weil die wissn net, was früher woar,
und warum ih da jetzt sitz und um a poar Euro bettl.