AutorIn des Beitrages:

Des G’frett mit da Summazeit

Seit längerm macht de Sommerzeit
koan Mensch mehr so a rechte Freid,
frira san’s schnell einig g’word’n,
ma tat se Energie daspar’n,
wenn ma de Uhr um d’Stund‘ vastöllt
und mitg‘macht hat die halbe Welt.

Schen langsam kimmt a niada draf,
des G’scheita war‘, ma hearat af
und lassat oissamt schen in Ruah
mit’n Uhr’n vastöll’n, ja, geg’n d’Natur
gangat des Z’ruck und Viristöll’n,
de Viecha tat’n se furchtbar quäl’n.

De Leit war’n miad, tagaus, tagein
und s‘Kopfweh miassat a net sein,
ma schlaft net guat, bis dass ma’s g’wehnt,
daspar’n tuat ma koan Euro-Cent,
im Geg’nteu, rechnans uns hiatzt nach,
des G’scheida war, ma schaffat’s ab.