Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Supersberger Franz

Wochn späta -- Iban Sinn -- Martin

MundArt des Monats Mundart-Autoren Neueinträge
Beitrag anmelden


AutorIn des Beitrages:


Supersberger Franz
9500 Villach
franz.supersberger@gmail.com

Zurück

Wochn späta -- Iban Sinn -- Martin

Wochn späta

Wochn späta host du dazöhlt
wia schean es in da
Psüchiatri gwesn is,
wo ane fir di ondre
dogwesn is,
wo ane da ondan zuaheart,
wo kane de ondre
ausgnutzt hot.
De Freind von dir hom
di imma ausgnutzt,
kana hot di richtig
gern ghobt.
I konn di vasteahn,
wenn du wieda zruckwüllst,
Wochn späta.....



Iban Sinn

Iban Sinn vum Lebn,
iba de Zukunft vum Urt
oda goar von dera Wölt
is schoan vül gredat und
nochgedocht woarn.
Vum Tischla, vum Bawa,
vum Pforra und a vum Professa.
Da Gärtna sogt,
wonn mon ihn danoch
frogt, liabe Wölt,
guate Nocht, guate Nocht...



Martin

Seit sein Schualobschluss
steaht da Martin ols Vakeifa
hinta ana Budl.
A poarmol hota missn sein
Orbatsplotz wechsln,
weil de klan Gschäfta von
de Einkafscenta vadrängt san woarn.
Om Sunntogvurmittog sitzt da
Martin im Dorfgosthaus und
auf olle Frogn ontwortat er mit
grias Gott, grias Gott ...

 Mundart-Datenbank - Gesammelte Beiträge von Mundartautoren und Lesern zum Schmökern!