AutorIn des Beitrages:
Hörschläger Franz Christian 4173 St.Veit im Mühlkreis franz.hoerschlaeger@aon.at
Zurück | Da Bein‘stock
Da Bein’stock is grad wia a Staat,
in der a niada Arwat hat.
Ganz ob’n in seina Hierarchie,
da gült de Kinigin ganz vü.
Sie is a gressa wia de oan,
de lebtags grad ea Arwat toan,
de rackern, dass da Stock floriert
und dass net glei zan Aussterb’n wird.
Dann gibt’s nu solche, de schen toan
da Kinigin, um Nachwuchs sorg’n,
de san fir’s Arwat’n net g’richt,
weu’s nach’n Sex de Queen dasticht.
So leb’n de Bein‘ und se leb’n guat,
wann a niada schen sei Arwat tuat,
und scheinbar braucht des Volk dabei
in da Regierung grad a Wei‘. |