AutorIn des Beitrages:

Wann’s im Alta zwickat wird

Oissa junga glaubt ma g’wiss,
dass ma fast unsterbli‘ is,
oissamt funktioniert schen brav,
af d’G‘sundheit schaut ma se net af.

Do mit’n Alta kemman d’Leid’n,
ja, des is net ab zan streit’n,
d’Fiass werd’n schwar und a de Aug’n,
s’Geh’n tuat a nimma recht taug’n.

Und wanns’t gmiatli‘ sitzt im Beis’l,
treibt’s di schon an Öft af’s Häus’l,
weu da Harndrang di sekkiert,
a Zoacha, dass ma ölta wird.

Schlecht hearn, ja des tuast schon guat,
s’Makomar brauchst fir dei Bluat,
mit’n guat Seh’n hapert’s a
und s’Konzentrier’n, des fallt da schwar.

Dort, wo si a Junga spült,
hat a Oida schon vaspült,
owa tröst’s eng, liabe Leit‘,
bis zan Sterb’n is’s do nu weit.