AutorIn des Beitrages:
Hörschläger Franz Christian
4173 St.Veit im Mühlkreis
franz.hoerschlaeger@aon.at
Zurück | Schlaflos
Kennst des: Ma liegt nu guat im Bett;
Hoffenti‘ leut‘ da Wecker net,
sinniert ma und dahi is‘ d’Ruah‘,
ma hebt se und schaut schnell af d’Uhr.
Und is beruhigt, na Gott sei Dank,
de Nacht is nu a paar Stund’ lang,
ma legt se wieda gmiatli‘ z’ruck,
do is da Schlaf hiazt weg, varuckt.
Lang stiert ma af de Zimmerdeck’n,
es kann di nix mehr recht daschreck’n,
erscht wia da Wecka owa rennt,
hat a de Warterei ihr End‘,
de Nacht is um, hiazt war‘ ma miad‘
und goametzt, dass oan üwö wird,
dann steigt ma z’grädert aus’n Bett
mit’n linken Fuass, guat is des net. |
