AutorIn des Beitrages:

Wir Mühviertla

a echta Mühviertla is oafoch guat
a guate Haut di nermt wos tuat
und is egn seina Gmiatlichkeit
sehr beliebt bei olle Leit
denn a woschechta Mühlviertla egal wos er treibt
imma a woschechta Mühviertla bleibt

er is zwor net da schnöllane, wurscht wos er tuat
owa des wos er mocht des mocht er guat
er redt übaroi mit, gaunz gleich um wos geht
a waun er davo übahaupt nix vasteht
denn a woschechta Mühlviertla egal wos er treibt
imma a woschechta Mühviertla bleibt

im gaunzn Laund wern Witz üba erm gmocht
des stört erm owa net wei er söwa drüba locht
er denkt si sein Teil und locht da ins Gsicht
und frogt di höflich kennst nu so a Gschicht
denn a woschechta Mühlviertla egal wos er treibt
imma a woschechta Mühviertla bleibt

er is imma zfriedn mit dem wos er grod hot
und fühlat si nir woih im Trubl der Stodt
auf jedn Foill is er stoiz , des zagt er Tog fiar Tog
auf sei Mühviertla Landl des er so mog
denn a woschechta Mühlviertla egal wos er treibt
imma a woschechta Mühviertla bleibt