AutorIn des Beitrages:

Wias früher war

Smog mei Seele schreit nach Luft
i denk doch an an Blumenduft
wie rund um d` Stadt schaust nua
beim Flieagn den schwarzn Vögl zua
de Flüsse, de hams reguliert
de 200 Autobahn eröffnet wird
de Wipfl von de Bam san braun
du kannst in grauen Hümmü schaun
vü Leit gengan hektisch umher
koa Lebensfreidn de ham se mehr
Obst und Gemüse schmeckt nach Chemie
zvü Dünger kummt auf d` Felder hi
irgendwann fallt mir dann ei
wia wars in meiner Kindheit fei
ham Äpfl gstohln vo de Bam
so guat, des war scho fast a Tram
san bloßfüaßig in d´Schui nu ganga
über mit Stoanagerl bewachsne Anger
ham mitn Vater Zapfn klaubt i Wald
helfts mit da Winter der wird kalt
lustig san mir durch de Gegend grennt
ham koan Fernseher und Computer kennt
de Welt hat sich entwicklt, des is fei
aber muaß den glei so krass ois sei.
Drum soi ma auf unser Landl schaun
a bissl mehr auf Gott vertraun
mit da Natur in Einklang leben
des wirklich tuan und net nur redn