AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | A guata Vergleich
Wann i ins Katz’nkörbö schau,
ja, da g’spür‘ i ganz genau:
Wo de kloan Katz’ln wurl’n toan,
dortand is a schen‘s Dahoam.
Wo de Elternliab alloa
möcht‘ oiss fir de G’schroppein toan
und de Jungan glückli‘ leb’n
mit de alt’n Zwoa daneb’n.
Z’sammhalt’n und koan’s aussibeiss’n,
neamt bevorzug’n, z’sammareiss’n,
dass a niads sein Platz’l kriagt
und an niadn sein Dasein g’miagt.
|
