AutorIn des Beitrages:
Hörschläger Franz Christian 4173 St. Veit im Mühlkreis franz.hoerschlaeger@aon.at
Zurück | Selbstdarstöllung
Frira hat da Fotograf
a schen’s Motiv g’habt, des war d’raf
af seine Büld’ln und sunst nix,
er selbm schon gar net, des war fix.
Do heitzutag is’s Konterfei
af jed’n Büld’l mit dabei,
a Selfie da, a Selfie dort,
ma selfied in oan Tänd’l fort.
Des G’sicht va vorn, s’Motiv dahinta,
s’G’sicht va da Seit‘, daneb’n zwoa Kinda,
dann s’Gsicht va ob’n, s‘Motiv va unt‘
gar s’G’sicht va hint nu, wann ma’s kunnt‘.
|