Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Uhl Paul

Versal schmiedn

MundArt des Monats Mundart-Autoren Neueinträge
Beitrag anmelden


AutorIn des Beitrages:


Uhl Paul
D 94032 Passau
paul-uhl@web.de

Zurück

Versal schmiedn

Bin gestan am Balkon draußt gsessn,
de Utensilien woarn dabei:
N kloan Hamma, Amboß ned vagessn,
aa Rhythmus, Versmaß - des muaß sei !

Hob virtuell dann ojsse ausbroadt
und gmoant, OK, jatzt fang i o…
A Elster is daher dann kemma
und is mi’n Versmaß glei davo !

De Viecha stehjn ja, wos se kenna!
Und i steh ohne Versmaß do! ??
Naa, naa – i brauch ned wirkli pflenna,
weil i ja ojsse „intus* ho(b):

Im Kopf as Versmaß; Rhythmus, der is
bei mia im Herz drin – wirkli woahr…
Aa s Schmiedn geht ganz ohne Hamma
und Amboß… - Eingli vo alloa…

Des oanzige, wos ständig fehjn duad:
a Thema, des suach i ojwei,
dabrich mia s Hirn und des is ned guad,
weil - manchmoj fojt ma goar nix ei…

 Mundart-Datenbank - Gesammelte Beiträge von Mundartautoren und Lesern zum Schmökern!