AutorIn des Beitrages:
Uhl Paul D-94036 Passau paul-uhl@web.de
Zurück | Auslese
A Bäurin hat drei Henna – de
leng zwoa Oa jedn Dog mitnand …
De Bäurin findt des gor ned schee
und hat desweng an gscheidn Grant,
weil: Oane vo de legt koa Oa –
und de muaß weg, des Luada! – Drum
do lust* se: `S gaggern eh grod zwoa
und oane druckt se bloß staad rum…
Des is de Faule!!! – Gschlacht is worn…
Am nächstn Dog is bloß oa Oa
in Nestl drin… Sie kriagt an Zorn:
De fojsche gschlacht! - Do werd ihr kloar:
Ned, wer ojwei laut gaggan duad,
daugt wirkli wos… – De Staadn sand
ganz fleißi oft und wirkli guad…
Ob Mensch, ob Viech, in jedm Land…
*horcht, lauscht
P.U. 28.01.17
|