AutorIn des Beitrages:
Uhl Paul
D-94036 Passau
paul-uhl@web.de
Zurück | Handschriftlich?
Oh mei – wer schreibt heit no an Briaf -
und dann sogoar no mit d Hand?
Denn ohne Zeilen werd s ganz schiaf
und kost an großn Zeitaufwand…
Do muaßt guad übalegn aa no
und d Rechtschreibregln greifbar hobm.
So a Computer zoagt glei o,
wenn wos ned stimmt – des muaß ma lobm!
Doch wann s a Liabsbriaf is – lus zua:
Mit da Maschin derf s gwieß ned sei,
Do hat dei Schwarm bestimmt glei gnua
und haut dia höchstns oane nei…
Und aa da Freind hätt s liaba gwieß,
weil d Handschrift waar a Stück vo dia,
persönlich, und vuj scheena is…
Vakehrt auf jedn Foj goar nia!
Mi n Kuglschreiba? - Des geht scho… (;-((
Mit Füller hat s Nobless hojt – gej ?
Vielleicht a guads Papier dann no,
na konn dei Briaf wos Bsondas sei….
P.U. 06.02.17
|
