AutorIn des Beitrages:
Uhl Paul
D-94036 Passau
paul-uhl@web.de
Zurück | Ein Hundeleben (Seelenwanderung)
Hob sündig glebt- ja, und deswegn,
kimm i ojs Hund wieda zur Wejt…
Guad geht’s mia ned, des geb i zua,
weil mia a festes Herrchen fehjt.
So a Tourist mit Rucksack sitzt
do auf da Bank, macht Brotzeit und
i riach de Wurschtsemme und mia
lafft s Wassa zamma in mein Mund…
Setz auf mein Treueblick. Min Schwanz,
do wedlt i wos geht – doch er -
der isst sei Wurschtsemme – ja, ganz –
schmeißt ned oan Brockn zu mia her!
Dann steht er auf, mecht weida geh…
I heb mei Haxal – bislt glei
sein Rucksack o: „Du Geizkrogn du“!
Er hätt hojt sojn spendabl sei !
P.U. 27.01.17
|
