AutorIn des Beitrages:

´s Helfm

Lass dar Zeit! Net gar so trawi,
weil sunst geht´s dar so wia mir.
Vül zu schnell liegst du am Bodn
und scho hast ah zschundne Knia.

Net nur des, ah ´s Kreuz muass leidn,
ah der Kopf brummt, oiss tuat weh.
Kannst net aufsteh, net auf d´Füaß,
kimmst va selber net in d´Höh.

„An Moment, ih kumm und hülf dar!“,
schreit der Franz und zoagt sei Kraft.
Greift va hintn unter d´Schultern,
ziahgt mih auf – so hat as gschafft.

So is´s gschehgn vor etla Wochn,
möcht fürs Helfm „Dank schön“ sagn.
Gott sei Dank, koan Würbl brochn,
wüll net weider drüber klagn.