Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Oberhauser Basilius - Silli

s´Ä

MundArt des Monats Mundart-Autoren Neueinträge
Beitrag anmelden


AutorIn des Beitrages:


Oberhauser Basilius - Silli
A-6322 Kirchbichl
oberhesi@gmx.at

Zurück

s´Ä

Wos i enk iatz dazö, es weaschts vielleicht lochn,
mia Brixntoia kinnan mit oan Buchstobn ois kleana mochn.
Des Ä ist be ins des Wundading,
mocht ois a drum kleana, niedlich und kring.

Wenn a Kind auf d´Wöt kimmt, do geht’s schu u,
ben Poppä hängt von Ufong des Ä scho dru,
und jeda Prügl schaug glei vü zierlicha aus,
mochts mit an Ä a Prügä draus.

De Kaibä send be ins de junga Kiah,
und a Seitä is oafoch a kleanas Bia.
A Häusä is a kloas Haus, des is gwis,
wei a Häisl wieda decht eppas onaschts is.

Mit an Aschä, kloa und knackig hot a jeda a Freid,
des gleich ohne Ä, do schaugst vü schnella auf d Seit.
A Bussä is kuschz und glei vorbei,
vü länger dauert do scho a Schmuserei.

A Böckä is hoit a junga Bock,
und s Kittä fe de Diandla is a kuschza Rock.
Drunta homb d´mearan a Untahos u,
natürlich mit Ä, drum is Stoff nit vü dru.

Be de Viecha tuat se des jo a guat uhearn,
a Mäusä, a Katzä mog a jeda recht gearn.
Lampä und Fackä send gschtiascht gonz genau,
gonz ondascht a Schaf
i, oder gor a Sau,
und´s Kitzä is kloa wia jeda woaß,
und decht weascht a jeds a gruaße Goaß.
S` Hasä des is a kloana Hos,
s Grasä a frischs, a gonz a jungs Gros.


A Stickä is a Teil von gonzn Drum,
be an Häufä host oiwei nu an Haufn umadum.
A Ziaggä vo an Wischtä, kust fost gonza schluckn,
auf an Bankä kust höchstens alloa amoi huckn.

Mit an Löffä Suppn essn, weascht nit weit kemma,
do muaßt fei scho an richtign Löffel nemma.
Bitschä, Semmä und a Weggä, ois a kloas Brot,
und a Schiffä is be ins a kleanas Boot.

A Zipfä is wenig den Ä scho woitan kloa,
de Manda wissen oi iatz wos i do moa,
denn mit an gwissn Öta heaschts mas klogn,
dass se wieda ois mit an Ä ummanonda trogn.

Auf an Wegä kust nit fohrn, des is net zan geah,
an Untaschied, Brugg und Briggä weascht jeda vasteah.
Dosä, Schüssä und Glasä send ois kloane Sochn,
a tiam söllst nit laut, sondan grod a bissä lochn.
A Boisä ist a recht a kuschze Zeit,
und s Dianä a gonz a jungs Weibaleit.

S Grattä is von Grottn de Ä Version,
A Mannä a kloane männliche Person.
S`Kistä, s´Vogä, s´Kettä unds Panzä danebn,
es tuat a überall eppas gruaß vo dia Sochn gebn.

A lackä Bia tuast auf oamoi schluckn,
be a Lock mogst de gonz Nocht zuichihuckn,
a Schnapsä nochn essn, schod`t da gor nia,
a Schlückä sollt a guat sei, niachtan a da Friah.

Probieaschts amoi sölba, des Ä hinten schreiben,
und scho tuat eppas kleanas übrig bleibn.

 Mundart-Datenbank - Gesammelte Beiträge von Mundartautoren und Lesern zum Schmökern!