AutorIn des Beitrages:
Buchner Josef A-4221 Steyregg sepp.buchner@aon.at
Zurück | S' Christkindl
Ans Christkindl glaubst meistens nur als a Kloane;
Oft kimmt dann a Zeit, da glaubst alloane
nur an di selba, an deinen Erfolg und an dein Können
bist stark, bist gsund, kannst dich durchaus verwöhnen.
Doch bist nach vülen Joahn dann alt,
nimma ganz gsund, gebrechlich halt,
brauchast direkt a kloans Gsundheitsbründl
dann fallts da wieda ein, dös kloane Kindl,
dös damals in Bethlehems Stall is geborn
und dann für die Menschheit zur Hoffnung is wordn.
I denk, da Mensch, der kann immer hoffen,
denn glaubt er dran, steht eam da Himmel offen. |