AutorIn des Beitrages:
Fischer Wilhelm
A-4650 Lambach
wilhelm.otto.fischer@gmx.at
Zurück | Kostboa wiara Schotz
Mei Tochta hot a Baby kriagt,
im Monat Mai hotsas geboan.
Do san dö Oma und aa ih
zan viatn Moi Grossötan woan.
Dös woar a grosse Freid. Hurrah!
Und hoassn tuats - dö Julia.
Wos is a Kindal fiara Wunda!
So kloa und zoat, so liab und bsunda!
Wia s doliegt und gaunz friedlih schloft,
und waunns daunn munta wiad, wia s oft
dö blauen Äugal leichtn losst,
mih aulocht und ban Finga fosst!
Do zrinnt ma s Heaz und d Augn wean noss.
Ih iwaleg: Wia sog ihs bloss,
wos ih eiwendi hiatznd gschpiea.
Ih denk kuaz noch und sog za iah:
Julia, liawa, kloana Schpotz,
bist so kostboa wiara Schotz.
Wea dih siahgt, dea hot dih gean.
Soist recht a fröhlichs Diandal wean.
Tua brav trinkn, dassd schee wochst
und rundum oi glicklih mochst.
Segn dih God! God segn dih und -
dös winsch ma da - bleib oizeit gsund!
|
