AutorIn des Beitrages:

Wås is Weihnåcht`n?

Is`s a tröstliche Stimmung, oder a biss`l mehr?
Na, auf des Kind des oane des wås kimmt daher,
auf des kimmt`s ån in den nächst`n Tåg`n!
Die "junfräuliche Gottesmutter" håt`s fia uns getråg`n,
und in da heilig`n Nåcht då kimmt`s auf d`Welt,
des is des wås wirklich zählt!

Ålles åndere um des Fest, rund uma`dum,
lebt und stirbt mit da Begeisterung,
und stirbt mit da Begeisterung a Gottes Sohn,
dånn wa auf oa´mål ålles Illusion!

Weihnåcht`n hoasst, dass a kemma is,
åls Liacht in die Nåcht der Finsternis,
åls Liacht in die Nåcht der Unbegreiflichkeit,
åls Liacht in die Nåcht der Ångst in unserer Zeit,
åls Liacht in die Nåcht der hoffnungslos´n Welt,
åls Liacht in die Nåcht in der da Glaube fehlt,
åls Liacht fia jeden der net kennt der Liebe Macht,
des is Weihnåcht`n! ≥Heilige Nacht„!