AutorIn des Beitrages:
Lehner Anna
4600 Wels
anna4649@gmx.at
Zurück | Die Gössn
Beim Schwammalsuacha, wiss´ma eh
is s´Köpfö unt, Popsch in da Höh
Dös ist für Gössn – bsondas freche
natürli a wundabare Angriffsfläche
Ös ham si glatt so Luadaviecha
in d´Untahosn einigschlicha
So dass bei da Rosi, wo´s sunst sitzt
oan Düwö nebm dem andan blitzt
Sie is döswegn scho ganz vazagt
weil’s dös Gjuckat a so plagt
Nu schmunzlt´s ös recht schadnfroh
do vieleicht geht´s eng a amal a so
dass eich dö Stöcha übafalln
dös tat halt dann da Rosi gfalln.
© Anna Lehner, 6.7.2005
|
