AutorIn des Beitrages:

Die Kur

Das Kreuz gebogen bis zum Ohr,
so stell ich mir das Training vor.
Doch tust du dich dann einmal bücken,
trifft wieder dich der Schmerz im Rücken.
Bist mit der Übung fertig hier,
stürzt du dich dann gleich aufs Bier.
Nach fünf Krügerln tust du lallen,
Das Training hat dir gut gefallen.
Und die Moral von der Geschicht,
waunst net trainierst, dann saufst auch nicht.

Kriagst du ka Luft gehst übad Stiagn,
muast du daunn glei inhaliern.

Sitzt du daunn do tuast inhaliern,
ziagst ei den Rauch, dea steigt ins Hian.
Du fühlst dich guat und a gaunz wohl,
des ollas ohne Alkohol.
Doch eines des is gaunz gewiss,
daß mit an Bia des bessa is.

Vatrogst de Luft net aus dea Kanne,
daunn muast die legen in de Wanne.

Liegst du in da Waunne drinnan,
kaunn de Kua a scho beginnan.
Wossa marsch, ui des is woam,
des greift au den Bauch und Doam.
Des sei guat und tuat gesunden
und es heilt a olle Wunden.
Des spricht da Dockta do so gscheit,
i sich kann gsundn weit und breit.
Steigst daunn aus da Wanne raus,
is de Kua no goa net aus.

Weu du muast daunn zu de aundan,
und faungst mit eana au zu waundan.

Liebe Leute heut is sche,
wia wean dahea glei wundan geh.
Duach de Stodt und daunn aufs Laund,
ziagts euch au a uandlichs Gwaund.
Nua kann Rock sondan a Hos,
sads es featig daunn geht’s los.
Auf de Strossn, duachn Woid,
nau do woas a bissal koid.
Blost da Wind gaunz sche umd Eckn,
kaunnst die niagandst do vasteckn.
Kummst daunn ausse auf des Föd,
die de Hitz jetzt wieda gwöd.
So maschieren wir dahin
und i find darinn kann Sinn.
Zuerst floch und daunn beagauf,
hint und vuan heast nua schnauf, schnauf.
Daunn san ma auf des Berges Hö,
an jedn tuan de Haxn weh.
Liebe Leut ich sag euch was,
es geht bergab und jetzt gebts gas.
Und dea Zug zum Wiatshaus kummt,
kana sicht jetzt mea an Grund.
Zu dazöhn von seine Schmerzn,
a jeda tuat schowieda schearzn.
Sitz ma daunn bei Bia und Wein,
san ma Gott sei Daunk daheim.
Und des Erlebniss, i sogs leise,
mochts min Trainer keine Reise.


Woa de Kua a no so schen,
endlich kaunnst nach Hause gehn.
Schmeisst di eine in de Kraxn,
trittst Pedal duach mit de Haxn.
Des is nimmamea a Kaumpf,
weu in de Wadln host kan Kraumpf.
Trittst daheim dann duach de Tüa,
ruafst zua Frau, ich bin schon hia.
Lieber Schatz du brauchst nicht raten,
moch ma jetzt an Schweinebraten.
Meina Sö bist du jetzt schlaunk,
woast vielleicht drei Wochn kraunk?.
Nein mein Schatz I hob trainiert
und da Trainer hot uns gfiat,
duach de gaunze Gegend duat
und jetzt san de Schwartln fuat.
Jo I kaunn jetzt wieda lochn,
du soitast Kua jetzt a moi mochn.