AutorIn des Beitrages:
Steinkellner Werner
3233 Kilb
steinkellner@oego.or.at
Zurück | D´Leit im Doaf
Iwa de wichtign Leit im Doaf
då red glei a jeda:
Iwa
de Honoratioan wia
in Hean Pfoara und
in Hean Buagamoasta und
in Hean Apoteka,
iwan
Schuidirekta und a
in Dokta,
weis olle so wichte san.
Då wan owa a nu:
da Mesna und da Wegmocha,
da Todngrowa und da Greisla
und de vün aundan Leit
im Dorf,
iwa
de koana red,
hexdns wauns gstoam san
und daun frogns nu:
Ah, wen gråms den heit wida ei?
(Aus der Sammlung:
"Üwas Joa und üwa d´Leit")
|
