AutorIn des Beitrages:
kavlik Ernst
1080 Wien
Zurück | Ein Betriebsausflug
San ma auf de Tauplitz gfoan,
hoit des Wetta uns zum Noan.
Nau do haum ma gaunz sche gschaut,
an Meta Schnee hots obaghaut.
Doch wia woan gaunz unvadrossn,
haum uns zum spazian entschlossn.
Nau des woa a hetz Beag o,
woan ma lustig und gaunz froh.
Daunn woit i wieda auferennan
do mei Pumpn hots net kennan.
Und aum Obnd, sogt a Maunn,
faung ma daunn zum Schiassn aun.
Suachns do an Schützenkenig,
fetzns um und des net wenig.
Anton, hast a Mau dabei,
schieast dea wia da Koal May.
Trifft dea und des goa net wenig,
wiad ea glott zum Schützenkenig
Aum nächstn Tog, mia woan vareat,
kummts Wossa obe bis aufd Ead.
Des Wetta hoit uns nua zum Noan.
so san ma hoit daun weitagfohan,
Kummt a Frau auf de Idee,
wia soin in einen Berg jetzt geh.
Sie sogt, waunn mia duat einegengan,
drinnan wiads bestimmt net rengan.
Der Frauen Logik, allgemein,
ma foit hoit imma wieda rein.
Nau gema in des Berges Bauch,
Kilometa duach an Schlauch.
Koit woas, i kaunn nua fluchn,
i wea nua meha Haitti buchn.
Und wia ma wieda aussegengan,
wos glaubst, es tuat no imma rengan.
So kummt de Zeit mia fohan daunn Ham,
untawegs, i glaub i tram.
Wos glaubst kummt duach de Scheibn rein,
dea allerschönste Sonnenschein.
Und woa des Wetta a beschissn,
i wü den Ausflug net vamissn.
|
