AutorIn des Beitrages:

WEIHNOCHT

WEIHNOCHT III

A jeda woaß,
dos es zua Weihnochtszeit
mit da Bsinnlichkeit is vurbei.
Im Dorf und in da Stodt heart
mon de Weihnochtsmusi
bis auf de Schtroßn.
Im Einkafscenta tuat da
Weihnochtsmonn de Gschenke
vakafn. Mir lafn von an Gschäft
zan nächstn, es konn goar
nit schnöll gnua geahn.
Om liabstn tatma
mitn Auto bei roat iba
de Kreizung foahrn.
Do schiabsn an im
Rollstuahl iban Zebrastreifn...


WEIHNOCHT IIII

In da Weihnochtszeit gibts
vaschiedanes Brauchtum.
Ongfongan bam Rorate geahn,
des Bochn vom Kletznbroat
und da Bsuch vom Nikolo
und Krampus.
Es kemman de Klöckla,
da Gong zua da Christmettn
und de Kinda geahn Schappn.
A neicha Brauch ist heite
dazua kemman,
vüle suachn nochn Sinn
von de Weihnochtn...