AutorIn des Beitrages:
Eder Gabriele
4810 Gmunden
gabriele. eder1@tele2.at
Zurück | s’Amserl
Jo mei, was is da hint im gang?
Da piepst was jämmerlich und bang.
Da pickt ganz fürchterlich vaschreckt
a Amselkind hintn im Eck.
Dös rechte Flügerl is lädiert -
wahrscheinli hat’s d’Katz malträtiert.
Dö Gschicht schaut wirkli deppat aus.
Da hülft nur ans: dös Krankenhaus.
Für’n Transport wird - eh scho wissn -
dö Katz aus ihrem Körberl gschmissn
s’Vogerl rein und d’Katz hinaus
und auf geht’s hiatzt zum Krankenhaus.
Da Dokta hat dann über d’Nacht
Dö Amsel wieda gsund gemacht
Ohne Verband und ohne Tuch
probiert’s den ersten Flugversuch,
pfeift no amal „tirili,
dö Freiheit ruft!“ – und weg war sie.
Hör oft ihr Zwitschern auf da Gassn.
für d’Katz hat’s nur a Batzerl lassn.
|
