AutorIn des Beitrages:
Semrau Michael
3423 St. Andrä
michaelsemrau@aon.at
Zurück | Weabung 2 (Nespresso)
Die Weabung mocht die Menschn froh,
Doch leida is net imma so.
I hob a schwere Depression,
Seitdem mia ane gsegn hom.
Da Clooney geht ins Gschäftl eine
Auf an Kaffee, um hoaba neine.
Do sitzn durtn zwa so Kotzn,
Die nix zum hackln hom und trotschn.
Da Clooney steht jetzt gonz gelassn
Bei da Maschine, mocht si a Tassn.
Do heat ea, wia die Damen tuschln,
Schwea zum vastehn, weu sie so nuschln:
'So delikat, so glott und schen...'
So ungefea heat er si redn.
Dem Clooney geht die Hosn auf:
'Die manan mi, do wett I drauf !
Gonz schnö muaß i des jetzn checkn !'
Ea draht si um, rennt in die Eckn
Wo die zwa Damen ohne Hian
Si grod den Mokka eineziagn.
Blamian wü er si grod ned -
Er was, wia ma mit Frauen redt:
'Gö jo, ia redt's üban Kaffee ?'
Sie schaut eam on und sogt: 'Jo, eh !'
'Was sunst !' sogt ea und geht schnö weida
Und denkt si hamlich: blede Weiba !
Mei Frau hot olles ongeschaut,
Beitlt den Kopf und sogt donn laut:
'Du wast, I steh nur auf Melitta,
Dea do, dea wa ma vü zu bitta.
Na, dea Kaffe is nix füa mi -
Oba den Monn, den nammat I !' |
