AutorIn des Beitrages:

Da Teuf´lwirt

oder Gasthaus zur Hölle
Inh. Fam. Teufel

Oft hört ma d´Leut nåch ana Leich
vor´m Friedhosfstor, im Ausgangsbereich,
scho´ schimpf´n, ålso bitte sehr,
so geht des net då g´hört a ånd´rer her!
Da Grund für die Unruhe, de blöde,
is in Tot´ngråber sei´ Dånkesrede!
Da Herr Pfårrer, die Ministrant´n und die Feuerwehr
san ei´g´låd´n auf an Imbiss ban „Wirt zum Meer“!
Die Musikant´n und da Kåmerådschåftsbund
san ei´glåd´n mitsåmt´m Bauernbund
ban „Wirt zur Kug´l“! De gfreun si´ schon,
weil der der håt a Keg´lbåhn!
Die Verwåndtschåft, die Onk´ln und die Tant´n,
die zuwi g´heirat´n und Anverwandten,
des sågt er gånz deutli´, ma´ muass versteh´n,
soll´n ållemitanånd zan Teuf´l geh´n!
Afra