AutorIn des Beitrages:
Affengruber Franz
3311 Zeillern
afra1@gmx.at
Zurück | ´sWetterhäus´l
Der wås des erfund´n håt, wås ma´ Wetterhäus´l nennt,
der hätt´ heutzutåg des Recht auf a Patent,
weil is Er drauss´n, is Sie drinn´,
je nåch Wetter, des håt sein Sinn!
Ban schönst´n Wetter då ziagt´s die Frau
van Häus´l aussa, åber schau´
da Månn versteckt sie, dass´n går neam´d siacht,
gånz tiaf im Haus, im fintser´n Liacht!
Sobåld´s schiach wird geht Sie eini in des Haus,
dafür kimmt er aussa, er hålt´s drinn net aus,
er möcht´ sei´ Ruah håb´n und desweg´n
steht er alloani då im Reg´n!
De Wetterhäus´l gibt´s scho´ voll viel Jåhr,
i glaub dass da Erfinder verheirat´ wår!
29.3.2008 Afra
|
