AutorIn des Beitrages:

Nur nix erzwinga

Ma soll`s net glaubm was in oan steckt,
auf oamal wern Talente gweckt,
va de ma gar koa Ahnung hat.

Ih sag`s enk Leit, es is nia z´spat,
daß ma zan Dichtn, Schreibm a(n)fangt,
schleinigst nach a Feder glangt
und niederschreibt, was oan bewegt,
wasd d´längste Zeit hast weggaglegt.

Grad des, was oan dazua ei(n)fallt,
nur nix erzwinga mit Gewalt!
Schreib über alls, was `s Lebm bringt,
was dar guat grat´t und oft net glingt.

`s Lebm schreibt dar vüle Seitn,
warn`s guate oder schlechte Zeitn.
Du sollst as lesn nach der Reih,
erst dann fühlst dih so richti frei!