AutorIn des Beitrages:
Kaltenböck Christine 4522 Sierning christine.kaltenboeck@gmx.at
Zurück | Dunnawedda
Schwarze Wolkn treibt der Wind,
gelblad haglschwanger,
d Luft voll Staub, nur eini gschwind,
s Heu drahts übern Anger.
Da, a Blitz, er zuckt ganz grell,
s Tor mach zua, grad schleuni!
Dunnagrolln gleih drauf - nur schnell,
spring ins Vorhaus eini!
Schware Tropfm klopfm scho
wüld aufs Dach und d Fenster,
Eiskörndl hupfan davo,
liachtzuckade Gspenster.
Dort, ban Wald san d Neblfraun,
tanzn staad an Reign,
zart und federgring zan Schaun.
Sülbertropfm schweign.
Wasserlatschn auf der Strass,
erste Sunnastrahlna
bleanzln scho zan Zaumvalass.
Kemmts zan Regnbognmalna!
|