AutorIn des Beitrages:
Pöllmann Renate
Zurück | Heirat´ netta nia an Jaga!
Heirat´ netta nia an Jaga -
hat ihr d´Muatta friahra gsagt,
weil der Kunt grad seine Gwehra
durin Wald ins Wirtshaus tragt!
Heirat´ netta nia an Reichn,
nimm dar ja koan reichn Mann,
weil sih der, so ganz nebm deiner,
allerhand nuh leistn kann!
Heirat netta nia an Lehra,
a Gstudierta kennt koan Gspoaß!
Nebm den bist grad du de Blede,
weil der alls vü bessa woaß!
Heirat netta nia an Fischer,
Tag und Nacht huckt der am See,
allweil habts des Gleih´ zun Essn
und in Fischgstank als Parfee...
Auszug aus "Sinnigs und Unsinnigs".
|