AutorIn des Beitrages:

Ganz narrisch valiabt

Wann d` Sunn oiwei scheint
a wanns regnt oda schneibt;
wann a herzliches Lacha
deine Sorgn vatreibt;

Wannst net einschlafm kannst
weil di d`Sehnsucht hat packt;
wann d`Zeit net vagehn wü
und dei Herz so schnell schlagt;

Wannst d`Engerl hörst singa
und im siebtn Hümmel obm fliagst;
wannst Purzlbam schlagst
und drum a Gipshaxn kriagst;

Wannst net stü sitzn kannst
und es kribbelt im Magn;
wannst mitn Hirn ganz woanders
doch du wüllst es net sagn;

Wannst woanst und bist trauri
und dann glei wieda froh;
wannst überall ja sagst
und du woaßt net wieso;

Wannst denkst, daß dei Herz
vor Sehnsucht bald stirbt;
dann glaub ma, du hast di
ganz narrisch valiabt!