Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Pogotz Roswitha

De Joahreszeitn

MundArt des Monats Mundart-Autoren Neueinträge
Beitrag anmelden


AutorIn des Beitrages:


Pogotz Roswitha
4690 Rüstorf
r.pogotz@aon.at

Zurück

De Joahreszeitn

Zwöf Monat hod des Joahr
a jeds hod wos schens sogoar
muasst nur de Augn offn hobn
dann siagst wos bringt de Natur an Gobn.

Im Jänner fangt des Joahr gros an
Schee und Ködn ziagn ins Land

Im Februar gibt’s oft vü Schnee
da Bodn tuat gfrearn, damit späda schene Bleamal wern

März is , es wird langsam wärma
de erstn Knospn brechan durch, ma kunnt schwärma

Grean is Landl im April
nur tuat der Monat wos a will

Bleamal bliahn ganz bunt und de Vogal zwitschan hell
ins Landl ziagt da Mai ganz schnell

Da Juni wird scho hoaß
am Föd stengan gmiatli Kuah und Goass

Im Juli woilln ma bodn geh
woarm gnua is durch de Sunn da See

Schens Weda is, de Sunn de scheint
Bei an Gewitta hi und do da Hümmi weint
des mocht da August, des hod ma gwusst

Da September ziagt dem Woid de Foarbn an
ma nutzt an jedn Sonnentog wann ma kann

Den Herbst bringt da Oktober de Blattl foilln
de Joahreszeit tuat oan a recht gfoilln

Ma is oft schlecht drauf
des Joahr nimmt sein Lauf
im November wird’s koid und da Nöwe ziagt auf

Dezember is de Zeit zum Bsinnen
mit an Lächeln kannst imma an Freind gwinna

Des ganze Joahr hod vü schens
fiar olle de des a vastehn
geh mit offne Augn durchs Leben
und vasuach dir söwa und andre a bissl a Zeit zu gebn

 Mundart-Datenbank - Gesammelte Beiträge von Mundartautoren und Lesern zum Schmökern!