Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Kiemayer Veronika

Luftikus

MundArt des Monats Mundart-Autoren Neueinträge
Beitrag anmelden


AutorIn des Beitrages:


Kiemayer Veronika
3363 Neufurth
meinegedichte@aon.at

Zurück

Luftikus

An Luftikus, so hobn s´ mi gnennt,
an Zigeuner, der koa Hoamat kennt,
der lebt nur in den Tog hinein
und losst den Herrgott Herrgott sein.

A jeda glaubt, i bin nix wert,
a Mensch, der nix taugt, um den si koana schert.
Weil neamd frogt, wia i wirkli bin
und wos mi plogt im Herzen drin.

„Madl, sei gscheit, nimm di vor dem in Ocht,
der hot ´s bis heut nu zu gor nix brocht!“
So hört ma s´ redn, de liaben Leut,
„Mit so oan vabringt man net de Zeit!“

Jo, waunst net so lebst, wia d´ Leut hoit wolln,
daun bist schnö in Ungnodn gfolln.
Tuast di net fügn in ihr Schablon hinein,
muaßt di begnügn, muaßt a Außenseita sein.

Du soist pariern und mit da Schor mitrenna,
weil s´ net kapiern, lernen ´s Herz net kenna.
So vü wos s´ sogn is nur a Gred,
wos i wirkli fühl, des wissen s´ net.

Drum loss i s´ redn, des kaun mi net störn,
i sog ´s an jedn, de gaunze Wöt soi ´s hörn:
„I bin glückli mit mein Lebn,
denn wos i brauch tuat ma da Herrgott gebn!“

 Mundart-Datenbank - Gesammelte Beiträge von Mundartautoren und Lesern zum Schmökern!